வீட்டில் வசதியாக உட்கார்ந்த இடத்தில் இருந்து, இணையதளத்தின் வாயிலாக - உண்ணும் உணவு ஆகட்டும், உடுத்தும் உடை ஆகட்டும் - அனைத்தையும் 'ஆர்டர்' செய்து, அவற்றை வீட்டிற்கே 'டோர்-டெலிவரி' செய்ய வைப்பதே இப்பொழுதைய சௌகர்யம். இப்போ உங்கள் கற்பனைக்கு கொஞ்சம் வேலை. உங்கள் உடம்பில், ஓர் உறுப்பில், சில உயிரணுக்கள் நோய்க்கிருமிகளால் பாதிக்கப்படுகிறது. அதனால் உங்கள் உடல் நிலையே பாதிக்கிறது. மருத்துவர் அளிக்கும் மருந்து மாத்திரைகளை விழுங்கும் கட்டாயம். அனால், மருந்துகள், நோய்வாய்ப்பட்ட உயிரணுக்களை சீரமைப்பதோடு நில்லாது, ஆரோக்கியமான உயிரணுக்களையும் பாதிப்பதால், சில பல பக்க விளைவுகள் ஏற்படுகிறது. இந்நிலையில், தேவையான அளவு மருந்தை மட்டும் 'ஆர்டர்' செய்து, குறிப்பிட்ட பாதிக்கப்பட்ட உயிரணுக்களுக்கு மட்டும் மருந்தை 'டெலிவரி' செய்வது தகுந்ததாக தெரிகிறதா ? ஆனால், இது கற்பனைக்கு மட்டும் உகந்த பகல் கனவு போல் தோன்றுகிறதா ? அறிவாற்றலைக் காட்டிலும் கற்பனை வளம் அறிவியலுக்கு முக்கியம் என்று ஆல்பர்ட் ஐன்ஸ்டீன் கூறியது வெறும் பேச்சுக்காக மட்டும் அல்ல. இந்த கனவும் நனவாக்க படிக்கல்லாக அமைந்துள்ளது, கடந்த வாரம் அமெரிக்காவில், டெக்சாஸ் மாகாணத்தின் பொறியாளர்களின் உருவாக்கம்.
மின்சக்தியால் செயல்படும் இயந்திரங்களின் கருவாக விளங்குவது மின்சார இயக்கிகள் ( Electric Motors ). மனித உடம்புக்குள் புகுந்து, உயிரணுக்களுக்கு மருந்தை செலுத்துவதற்கு பயன் படுத்தப்படும் இயந்திரங்கள், உயிரணுவின் அளவில் இருக்க வேண்டும். இவற்றை நானோ ரோபோக்கள் என்று அழைக்கின்றனர். மின்சாரத்தால் இயங்கும் நானோ ரோபோக்களை செய்வதற்கு பெரும் சவாலாக இருப்பது, அவற்றை செயல்படுத்தும் மின் இயக்கிகளும் நானோ அளவில் இருக்க வேண்டும் என்ற கட்டாயம். அவ்வழியே, பொறியாளர்கள், உலகிலேயே சிறியதுமான, அதிக சுழற்சிகள் கொண்டதுமான, நீடித்து உழைக்கக்கூடியதான ஓர் நானோ மின் இயக்கியை உருவாக்கியுள்ளனர்.
இந்த இயக்கி ஓர் உப்பு படிமத்தை காட்டிலும் ஐநூறு மடங்கு அளவில் சிறியதாகும் என்று கூறியுள்ளனர். மேலும், பதினைந்து மணி நேரம் தொடர்ச்சியாக செயல்படும் திறன் கொண்ட இவ்வியக்கி, நிமிடத்திற்கு பதினெட்டாயிரம் சுழற்சிகள் வரை சுழலும் ஆற்றல் பெற்றது. பொறியாளர்களின் இந்த கண்டுபிடிப்பு, தொடர்ந்து மேம்படும் நிலையில், இது மருத்துவ துறையில் ஓர் புரட்சியை ஏற்படுத்தும் என்பது, விஞ்ஞானிகள் மற்றும் மருத்துவர்களின் ஒருமித்த கருத்தாகவே திகழும்.
இது தொடர்பாக வெளியடப்பட்ட வீடியோ:
மின்சக்தியால் செயல்படும் இயந்திரங்களின் கருவாக விளங்குவது மின்சார இயக்கிகள் ( Electric Motors ). மனித உடம்புக்குள் புகுந்து, உயிரணுக்களுக்கு மருந்தை செலுத்துவதற்கு பயன் படுத்தப்படும் இயந்திரங்கள், உயிரணுவின் அளவில் இருக்க வேண்டும். இவற்றை நானோ ரோபோக்கள் என்று அழைக்கின்றனர். மின்சாரத்தால் இயங்கும் நானோ ரோபோக்களை செய்வதற்கு பெரும் சவாலாக இருப்பது, அவற்றை செயல்படுத்தும் மின் இயக்கிகளும் நானோ அளவில் இருக்க வேண்டும் என்ற கட்டாயம். அவ்வழியே, பொறியாளர்கள், உலகிலேயே சிறியதுமான, அதிக சுழற்சிகள் கொண்டதுமான, நீடித்து உழைக்கக்கூடியதான ஓர் நானோ மின் இயக்கியை உருவாக்கியுள்ளனர்.
 |
| நானோ மின் இயக்கி |
இந்த இயக்கி ஓர் உப்பு படிமத்தை காட்டிலும் ஐநூறு மடங்கு அளவில் சிறியதாகும் என்று கூறியுள்ளனர். மேலும், பதினைந்து மணி நேரம் தொடர்ச்சியாக செயல்படும் திறன் கொண்ட இவ்வியக்கி, நிமிடத்திற்கு பதினெட்டாயிரம் சுழற்சிகள் வரை சுழலும் ஆற்றல் பெற்றது. பொறியாளர்களின் இந்த கண்டுபிடிப்பு, தொடர்ந்து மேம்படும் நிலையில், இது மருத்துவ துறையில் ஓர் புரட்சியை ஏற்படுத்தும் என்பது, விஞ்ஞானிகள் மற்றும் மருத்துவர்களின் ஒருமித்த கருத்தாகவே திகழும்.
இது தொடர்பாக வெளியடப்பட்ட வீடியோ:
கருத்துகள் இல்லை:
கருத்துரையிடுக